用车没人全部懂！我们对汽车常见的错误认识有
| Alexander Gode | |
|---|---|
| Sexo | mascule |
| Nascentia | 2025-08-06 (Bremen) |
| Decesso | 2025-08-06 (Mount Kisco) |
| Citatania | Germania |
| Educate in | Columbia University, Universit?t Wien[*], Sorbonne Universitate de Paris[*] |
| Occupation | linguista, traductor |
| Lingua | interlingua |
| Identificatores | |
| ISNI | 000000008154400X |
| VIAF | 74074414 |
Alexander Gottfried Friedrich Gode-von-Aesch, Ph.D. (30 de octobre 1906 - 10 de augusto 1970), le principal realisator de Interlingua, esseva de origine german per su patre, ab le urbe hanseatic de Bremen, e switze per le matre, veniente de un ancian familia burgese Von Aesch, ab un village in le proximitate de Berna. Alexander Gode moriva le 10 de augusto 1970 al etate de 63 annos.
Vita professional
[modificar | modificar fonte]Ille inseniava lingua romance e germano al universitates Columbia e Chicago e esseva active pro interlingua desde 1934. Ille esseva le ultime director de recerca del IALA fin a 1946, redactor del Interlingua-English Dictionary (1951) e co-autor del Interlingua Grammar (con Hugh E. Blair, 1951). Gode fundava in 1946 le casa editorial Storm Publishers, que ille gereva. Pois ille esseva chef de Interlingua Division del Science Service (1953-1967).
Ille redigeva libros referential 1943—1946 e publicava con E. Clark Stillman le serie Spanish at Sight, French at Sight e Portuguese at Sight. Traduceva centos de articulos e alcun libros ab plure linguas in anglese. Editava in 1941 300 paginas super Natural Science in German Romanticism. Gode esseva autor de numerose publicationes in Interlingua e germano. Durante su ultime annos ille traduceva textos scientific in su firma Interlingua Translations. In plus, ille esseva co-autor de Interlingua a prime vista, basate sur le serie ...at Sight.
Union Mundial pro Interlingua
[modificar | modificar fonte]Desde 1955 al su morte in 1970 ille esseva le prime presidente del Union Mundial pro Interlingua.
Premios
[modificar | modificar fonte]Premiate con i.a. Harald Swanberg Distinguished Service Award del American Medical Writers' Association pro contributiones excellente a revistas medical e pro summarios in interlingua; anque premiate per le Fédération Internationale des Traducteurs pro le labor de traducer publicationes scientific e le labor pro le profession de traductores. Co-fundator e prime presidente del Association American de Traductores (1960—1963). In su honor, iste organisation confere cata anno le Medalia Alexander Gode "pro servicios eminente pro le professiones traductori".[1]
Vide etiam
[modificar | modificar fonte]Ligamines externe
[modificar | modificar fonte]Referentias
[modificar | modificar fonte]- ↑ Alexander Gode Medal Sito web del Association American de Traductores
| ||||||||||||||||||||||||||